Ankahe Sapne...

Hote hai kuch sapne jo hum khuli aankhon se dekhte hai...
Sapne kuch armaan bhare, jo dil mein dabaa k rakhte hai...

Chhupa k rakhte hai duniya se use,
na jaane kis baat se darte hai...
Zindagi se samjhauta kar, zindagi bhar aahein bharte hai...

Ghutan jo hamare ander hai, kyun na use baahar aane de...
Berang si jo zindagi hai, kyun na usme rang bharne de...

Sapno ko apne ek kaagaz mein utaar kar k toh dekho...
Badhte har kadam k saath badhti apni muskuraahat toh dekho...
Gavah banegi tere hunar ki yeh duniya,
Pinjre se nikal , pankh faila k toh dekho...

Ghutan jo hamare ander hai, kyun na use baahar aane de...
Udaan le itni oonchi yaaron, aasmaan ko cheer jaane de...

Like Our Facebook Page for More 

Chahat Meri...

Like us on facebook : A Random Dream

Kyun...

Like Us on facebook : A Random Dream

Neend

Naa mai neend ko ehmiyat deta hoon...na meri neend mjhe, 
Bas raat k kisi lamhe mein roz samjhauta kar baithte hai..
Thoda vo jhuk jaata hai.. thodi meri palke...
Phir agli subah apne apne raah nikal padte hai...

Naa jaane vo kaun sa khayal hai jo sone nahi deta,
Hai koi shaqs ya koi ummeed jo jaage rakhta hai...
Dhoondta hoon raat k andhere mein manzil ki raushni, 
Par aksar baadal sitaaron ko apne peeche chhupa  rakhta hai...

To be Continued...

Like Us On Facebook

Vo Yaar Yaad Aate Hai...

Dosti ko dekh dost yaad aate hai...
Vo puraani mehfil , vo yaar yaad aate hai...
Chod aaya Jin paaglon ko kahi, 
Ban kar aansu vo aankhon se nikal aate hai...

Is bheed mein bhi baatein karne ko koi nahi...
Dard to nahi, par khushi baantne ko bhi koi nahi...
Rubaroo to aise kitne hote hai roz, 
Par puraane doston se behtar , mila ab tak koi nahi...

Kyun zindagi aise majboor karti hai...
Jeenay ki kashmakash mein apno se door karti hai...
Sikhaya jinhone jeena mujhe, 
Ab unhi k bina jeenay ko majboor karti hai...

Is shayari ko abhi adhoora rehne dete hai..
Aayi is muskaan ko thoda aur chehre pe rehne dete hai...
Zindagi adhoori hai jinke bina,
Kuch pal unke saath mulakaat poori kar lete hai... 

Written On : 11th August 2016 - 00:00 am


Click here to like A Random Dream

Bewajah...

Ek Din Phir...

Raah chalte ek din usse phir mulakaat hogi...
Anjaan kisi desh mein usse aankhein chaar hongi...
Dheemi kadmon ke sahare jab aayegi paas vo mere ,
Bina lafzon ke hamare beech na jaane kitni baatein hongi...

Tham jayega vo pal.. Ruk jayegi poori duniya...
aisa hoga samaa , laut aayegi saari khushiyaan...

Vo din yaad aayega jab saath hua karte the hum...
Vo din yaad aayega jab ek doosre pe marte the hum...
Aaj sab kuch badal chuka hoga ,
Par yakeen hai hume , roz ek doosre ko yaad kia karte the hum...

Ek ajeeb si ghabrahat hogi , Ek ajeeb saa darr hoga...
Aankhein  sharma k palke jhukayengi..
Honth ghabra k daanton mein dab jayega...
Ruk kar thoda , jab vo naam bolegi mera,
Aankhon se apne aansu bhi na rok paaunga...

Suraj Chand mein badal chuka hoga , aur raushni Chandni se..
Par koi na alag kar paaya hoga mujhe , mere bichchde saaye se...

Mere naseeb mein vo ho na ho.. Kal vo mere saath ho na ho..
Hazaaron yaadein liye itne saal jeeye the hum ,
Aaj is pal ko jee loon yaaron, phir bhale kal HUM ho na ho...

Raah chalte ek din usse phir mulakaat hogi...
Anjaan kisi desh mein usse aankhein chaar hongi...
Chaand bhi muskurayega falak se yoon ,
Adhoori is prem kahani ki us din phir shuruaat hogi ...


                           Written On : 8th Nov'15 - 20:00

Click here to like A Random Dream