Tu ( RAP )

Since the day I saw u, I have a question..
are u my love, ya bas ek infatuation??

Mili nahi tu, to hoga mujhe tension..
Please apna le mujhe, save me from depression!!!

Meri har baat mein, tera hota hai special mention...
feelings hai mere sachche...dont doubt my intention!! 

Kaise samjhaaun tere liye mera affection..
tujhse milne mein mujhe hota hai hesistation!!

Tu real ki hai beauty ya hai koi animation...
Tujhe dekh k mere har part mein hota hai sensation!!!

Ab gussa mat kar, aur maang mat clarification...
Tu hai ek train aur mai tera Railway station!!!

Click here to follow A Random Dream on Facebook

Written On : 8th Feb'2015 ( 10:00 PM)

Ek Ladki Pyari Si...

Sweet si, pyari si,
Sundar bilkul Manali si...
Baat baat pe jhagda karti,
Teekhi aur karari si....

Bachche jaise the hum dono,
Sab k dulaare the hum dono...
Din bhar saath reh k bhi mann nahi bharta,
Poori raat baatein karte the hum dono...

Daant do kabhi to turant aankh bhar aata tha,
gore gore gaalon pe, laal rang chhaa jaata tha...
Shiddat k baad jab vo maan jaati thi,
Us Chote se honth pe muskaan aa jaati thi...

Na hua usse jyada kareeb koi,
na usse jyada kisi ne pyar kia...
Ho kar judaa bhi usse,
Har pal use hi yaad kia...

Raaste milenge ek din,
Is Dil ko poora vishwaas hai...
Aur na reh payenge tere bin,
Is Dil ko teri hi aas hai...

Click here to follow A Random Dream on Facebook

Written On : 11th Jan'2015 - 08:00 PM

Ek Apna sa Ajnabi...

Door ho kar bhi kuch log yaad rakhte hai,Paas ho kar bhi kuch anjaan bante hai...
Khaate hai kasme hazaaron ek pal mein...
Par todne se pehle ek baar bhi na sochte hai...

Door baitha ek yaar har din hichkiyaan deta hai,
Paas se guzarta dost ek muskaan bhi na de paata hai...

Khata hui mujhse ya raaste alag ho gaye,
Saath bitaaye har suhaane lamhe aaj ateet kyun ban gaye...

-----------------------------------------------------------------------------------

Chod aaya kahi door tujhe,
meri bhi majboori thi...
Dekha na mud kar dobara kabhi,
meri bhi majboori thi...

Thaama tha haanth tera, zindagi bhar saath chalne ko...
Adhoore safar se laut aaye hum,
meri bhi majboori thi...

Khata hui hai mujhse, Sazaa bhi dena tu...
par wajah kabhi na poochna mujhse,
meri bhi majboori thi...

-----------------------------------------------------------------------------------

Na iraada tha kuch khone ka, na socha tha kuch paaunga...
uske saath beetay us shaam ko kabhi na bhool paaunga...

aankhon mein timtimaate taare, labon pe ek khaamosh si hasi...
mil rahe the pehli baar hum, jhoom rahi thi duniya saari...

Aakhri tha vo din saal ka, saal ki aakhri rangeen shaam thi vo...
khoobsurat thi har baat us lamhe ki, kyunki har pal mere saamne thi vo...


------------------------------------------------------------------------------------

aankho ko moonde so rahi hogi woh
anjaan mujhse , sapne dekh rahi hogi vo...
Aksar neend se jaag jaaya karegi..
qki meri yaadon mein aa rahi hai vo... <3 :)

---------------------------------------------------------------------------------
Tujhe paane ki chah nahi,
bas dobara milne ki khwahish thi...
Pehli mulakaat jo reh gayi thi adhuri,
mukhtasar us deedaar ko puri karne ki guzaarish thi...

Click here to Follow A Random Dream on Facebook    

Pehli Mulakaat

Kaagaz pe kalam pheru to tera naam likh jaata hai...Aankhon ko moondu to tera aks nazar aata hai...Asar u hua hai tujhse pehli mulakaat ka,Har guzarte shaqs mein tera chehra nazar aata hai...


Jab laton ko sambhaalti us din tum aayi mere paas...Ek halki si muskaan liye tum aayi mere paas...un timtimaate aankhon ka jaadu u chhaaya,Jo khoya tha us din..aaj tak mera dil na lauta mere paas...


kuch baatein hui us din..kuch baatein adhoori reh gayi...Itne kareeb hote hue bhi thodi doorie reh gayi...Kuch pal ki mulakaat hi sahi,Teri saanson ki khushboo meri rooh se judi reh gayi...


Kabhi sochta hoon tumse dobara mulakaat hogi...Eid ki raat aur chandni apne chand k saath hogi...Zameen se falak tak raushan samaa hoga,Jab karunga mai izhar-e-mohabbat aur teri aankhon mein manzoori hogi...


Likhoon jab tere baare, chehre pe ek masoom muskaan aa jaata hai...Phir na hogi kabhi mulakaat, ye soch k dil sehem sa jaata hai...Asar u hua hai tujhse pehli mulakaat ka,Har guzarte shaqs mein tera chehra nazar aata hai...


Like my FB Page : A Random Dream


Written On : 16th Nov'14 - 15:30

Aaj Bhi..

Baadalon k ghane chadar odhey,
ye zameen aankhein moondne ko taiyaar hai...
Nazar na aaya chaand aaj bhi,
lagta hai kisi baat se naraaz hai...

Baatein har raat hoti thi Chaand se,
sunta tha vo har baat meri dhyaan se...
Kabhi koi shikayat nahi ki,
Kabhi toka bhi na usne,
phir aaj kyyun na muskuraaya door se...

Jab raat ka andhera chaata tha,
door se vo jagmagaata tha...
Kehta tha tu chalta jaa, darr mat,
jaise mere liye hi vo aata tha..

Khata-peeta kuch na vo,
bas deta dher saari raushni hume...
Phir bhi guzarte din k saath,
mota-patla ho jaata tha...

hoti thi jab baarish kabhi,
darr k baadalon mein chhup jaata tha...
Jhaanka karta tha unke peeche se vo,
phir chup-chaap kahi bhaag jaata tha...

Kal bhi hui thi thodi baarish,
socha baadalon mein kahi chhupa hai...
Par nazar na aaya chaand aaj bhi,
lagta hai kisi baat se naraaz hai...

Khidki k paas baitha hoon shaam se,
par lagta hai kisi baat se naraaz hai...

https://www.facebook.com/arandomdream

Google+

                               


Written on : 21st Sep, 11:40 pm

Meri Kahaani

Likhte hai kitaab.. log apni kahaani duniya ko sunaane ko..

Maine To poori zindagi tere naam kar di...bas tera naam hai gungunaane ko..

Baanti har khushi tujhse...har dua mein tera naam liya...

Chupaya har dukh tujhse..par tere Siva koi na unhe mita paaya..

Jaata hoon jaha, tera pyar mehsoos krta hoon..

Zindagi k har mukaam k piche tere duwaon ka asar paata hoon...

Teri goad mein sir rakh kar apne sapno ko sunaya krta tha..

Tere paero k phati aediyon par malham lagaya krta tha...

Teri chumban k bina mjhe neend nahi aati thi...

Jo kabhi ho jaaye tu nazron se door..

Apne aansu nahi rok paaya krta tha..

Bada ho gaya hoon ab..isme meri koi galti nahi...

Warna bachpan k vo din aaj bhi mann se nikalte nahi...

Rehta hoon tujhse door, par dil k sbse kareeb hoon tera...

Aaj bhi meri din teri awaaz sune bina dhalti nahi...

Zindagi ki bhaag daud mein thoda ulajh zaroor gaya hoon...

Par tera khayal rooh se nikal jaaye, ye kabhi bhi mumkin nahi...

Teri Surat mein bhagwaan ka roop dikhta hai...

Maine pattharon ko nahi, tujhe mere sapno ko poora karte hue dekha hai...

Log zikr karte hai jannat ki khoobsurti ki..

Mujhe to vo sb tere paero k niche dikhta hai...

Mai hoon ek kitaab... Jiski sihaayi bhi tu... Lekhak bhi tu...

MAA....

Meri har Jeet ka haqdaar hai tu...

Like on Facebook : https://www.facebook.com/arandomdream

                                   Written On : 13/09/2014

Accha Lagta hai....

Koi rooth jaaye to bada accha lagta hai...
Uske Pyar jataane ka tareeka lagta hai...

Manaane jaau use,
to uska nakhra dikhana accha lagta hai...
Vo halki si muskaan,
ab jeenay ka sahara lagta hai...

Zindagi mein koi ehmiyat de,
to khuda ka nazraana lagta hai...
Meri kami kisiko khale,
ek safal zindagi ka fasaana lagta hai...

Aisa hi ho koi apnaa,
ab to bas ek sapna lagta hai...
tanhai mein kategi ye zindagi,
ab har ek pal begaana lagta hai...

Aksar raaton mein hum jaaga karte the...
khayaalon mein uske muskuraya karte the...
usay is baat ki thodi bhi bhanak nahi,
ye soch k bura lagta hai...
har guzarte din se baatein ghat-te jaati hai...
ab use khone se darr lagta hai...

Bas uski muskaan kabhi kam na ho...
isiliye apne aansu pee jaana accha lagta hai...
Vo rooth k dobara maan jaaye to accha lagta hai...

Like on Facebook : https://www.facebook.com/arandomdream

                                                                       Written On : 03/03/14