Chahat Meri...

Like us on facebook : A Random Dream

Kyun...

Like Us on facebook : A Random Dream

Neend

Naa mai neend ko ehmiyat deta hoon...na meri neend mjhe, 
Bas raat k kisi lamhe mein roz samjhauta kar baithte hai..
Thoda vo jhuk jaata hai.. thodi meri palke...
Phir agli subah apne apne raah nikal padte hai...

Naa jaane vo kaun sa khayal hai jo sone nahi deta,
Hai koi shaqs ya koi ummeed jo jaage rakhta hai...
Dhoondta hoon raat k andhere mein manzil ki raushni, 
Par aksar baadal sitaaron ko apne peeche chhupa  rakhta hai...

To be Continued...

Like Us On Facebook

Vo Yaar Yaad Aate Hai...

Dosti ko dekh dost yaad aate hai...
Vo puraani mehfil , vo yaar yaad aate hai...
Chod aaya Jin paaglon ko kahi, 
Ban kar aansu vo aankhon se nikal aate hai...

Is bheed mein bhi baatein karne ko koi nahi...
Dard to nahi, par khushi baantne ko bhi koi nahi...
Rubaroo to aise kitne hote hai roz, 
Par puraane doston se behtar , mila ab tak koi nahi...

Kyun zindagi aise majboor karti hai...
Jeenay ki kashmakash mein apno se door karti hai...
Sikhaya jinhone jeena mujhe, 
Ab unhi k bina jeenay ko majboor karti hai...

Is shayari ko abhi adhoora rehne dete hai..
Aayi is muskaan ko thoda aur chehre pe rehne dete hai...
Zindagi adhoori hai jinke bina,
Kuch pal unke saath mulakaat poori kar lete hai... 

Written On : 11th August 2016 - 00:00 am


Click here to like A Random Dream

Bewajah...

Ek Din Phir...

Raah chalte ek din usse phir mulakaat hogi...
Anjaan kisi desh mein usse aankhein chaar hongi...
Dheemi kadmon ke sahare jab aayegi paas vo mere ,
Bina lafzon ke hamare beech na jaane kitni baatein hongi...

Tham jayega vo pal.. Ruk jayegi poori duniya...
aisa hoga samaa , laut aayegi saari khushiyaan...

Vo din yaad aayega jab saath hua karte the hum...
Vo din yaad aayega jab ek doosre pe marte the hum...
Aaj sab kuch badal chuka hoga ,
Par yakeen hai hume , roz ek doosre ko yaad kia karte the hum...

Ek ajeeb si ghabrahat hogi , Ek ajeeb saa darr hoga...
Aankhein  sharma k palke jhukayengi..
Honth ghabra k daanton mein dab jayega...
Ruk kar thoda , jab vo naam bolegi mera,
Aankhon se apne aansu bhi na rok paaunga...

Suraj Chand mein badal chuka hoga , aur raushni Chandni se..
Par koi na alag kar paaya hoga mujhe , mere bichchde saaye se...

Mere naseeb mein vo ho na ho.. Kal vo mere saath ho na ho..
Hazaaron yaadein liye itne saal jeeye the hum ,
Aaj is pal ko jee loon yaaron, phir bhale kal HUM ho na ho...

Raah chalte ek din usse phir mulakaat hogi...
Anjaan kisi desh mein usse aankhein chaar hongi...
Chaand bhi muskurayega falak se yoon ,
Adhoori is prem kahani ki us din phir shuruaat hogi ...


                           Written On : 8th Nov'15 - 20:00

Click here to like A Random Dream

Tum

Kaash neend bhi utni aati jitni tum yaad aati ho...
Kabhi aankhein band bhi ho jaaye , to tum sapne mein jagaa jaati ho;
Raaton se sirf kya shikayat karoon...
Din mein dhadkane badh jaati hai , jab tum paas aati ho;

Teri hasi se meri khushi jud chuki hai...
Teri aankhon mein meri duniya bas chuki hai...
Ab rooh ka har katra bas tera saath chahta hai...
Bas tere ikraar ke liye meri saansein ruk chuki hai;

Kho na doon tujhe, ye darr mein jeeta hoon...
Teri khushi ke liye har galti maan leta hoon...
Kabhi kisi galatfehmi mein door na ho jaana...
Duwaaon mein har din tujhe hi maangta hoon;

Aaj phir sone ki koshish ki par jaagta reh gaya...
Deewaaron se baatein ki aur teri tasveer dekhta reh gaya...

Naa jaane ghadi ke kitne tik tik ginunga mai...
Naa jaane kab palke jhuka so jaunga mai...
Naa jaane kab ek nayi din ki shuruaat hogi...
Naa jaane kab ...phir tujhse mil paunga mai ;

                                                  

                                            Written On : 5th May 2015 ; 01:30 AM IST

Click Here to Like Our Facebook Page